ਹਿਊਸਟਨ/ਨਿਊਯਾਰਕ (ਅਰਜਨ ਰਿਆੜ, ਧੀਰਜ ਛੋਕਰਾਂ) - ਸ਼ੁੱਕਰਵਾਰ ਸਵੇਰੇ ਹਿਊਸਟਨ ਆਈ.ਐੱਸ.ਡੀ. (9  4.)  ਦੇ ਵੈਸਟਬਰੀ ਹਾਈ ਸਕੂਲ ਨੇੜੇ ਹੋਈ ਗੋਲੀਬਾਰੀ ਵਿੱਚ 17 ਸਾਲਾ ਵਿਦਿਆਰਥੀ ਦੀ ਮੌਤ ਹੋ ਗਈ। ਸ਼ੁੱਕਰਵਾਰ ਸ਼ਾਮ ਨੂੰ, ਪੁਲਿਸ ਨੇ ਲੇਪੌਲ ਵਾਰਨ ( ) ਦੀ ਮੌਤ ਦੇ ਸਬੰਧ ਵਿੱਚ ਇੱਕ ਨਾਬਾਲਗ ਸ਼ੱਕੀ ਨੂੰ ਗਿ੍ਰਫ਼ਤਾਰ ਕਰਨ ਦਾ ਐਲਾਨ ਕੀਤਾ। ਇਹ ਘਟਨਾ ਸਵੇਰੇ 8:30 ਵਜੇ ਤੋਂ ਥੋੜ੍ਹੀ ਦੇਰ ਪਹਿਲਾਂ ਵੈਸਟਬਰੀ ਹਾਈ ਸਕੂਲ ਦੇ ਨੇੜੇ ਕੈਂਪਸ ਤੋਂ ਬਾਹਰ ਇੱਕ ਅਜਿਹੀ ਥਾਂ ’ਤੇ ਵਾਪਰੀ ਜਿੱਥੇ ਵਿਦਿਆਰਥੀ ਅਕਸਰ ਸਵੇਰੇ ਇਕੱਠੇ ਹੁੰਦੇ ਹਨ। ਪੁਲਿਸ ਦਾ ਕਹਿਣਾ ਹੈ ਕਿ ਨੇੜਲੇ ਜੰਗਲੀ ਇਲਾਕੇ ਵਿੱਚੋਂ ਕੋਈ ਵਿਅਕਤੀ ਬਾਹਰ ਆਇਆ, ਕੁਝ ਗੱਲਬਾਤ ਹੋਈ ਅਤੇ ਫਿਰ ਵਾਰਨ ਨੂੰ ਗੋਲੀ ਮਾਰ ਦਿੱਤੀ ਗਈ। ਗੋਲੀਬਾਰੀ ਤੋਂ ਬਾਅਦ ਕੈਂਪਸ ਪੁਲਿਸ ਅਤੇ ਸਟਾਫ਼ ਦਾ ਇੱਕ ਮੈਂਬਰ ਘਟਨਾ ਵਾਲੀ ਥਾਂ ’ਤੇ ਪਹੁੰਚੇ ਅਤੇ ਜਾਨ ਬਚਾਉਣ ਦੀ ਕੋਸ਼ਿਸ਼ ਕੀਤੀ, ਜਦਕਿ ਮੈਡੀਕਲ ਟੀਮ (ਪੈਰਾਮੈਡਿਕਸ) ਵੀ ਮੌਕੇ ’ਤੇ ਪਹੁੰਚੀ। ਦੁਖਦਾਈ ਗੱਲ ਇਹ ਹੈ ਕਿ ਵਾਰਨ ਦੀ ਜਾਨ ਨਹੀਂ ਬਚਾਈ ਜਾ ਸਕੀ।
17 ਸਾਲਾ ਸ਼ੱਕੀ ਗਿ੍ਰਫਤਾਰ
ਸ਼ੁੱਕਰਵਾਰ ਸ਼ਾਮ ਨੂੰ, ਅਧਿਕਾਰੀਆਂ ਨੇ ਇੱਕ 17 ਸਾਲਾ ਸ਼ੱਕੀ ਦੀ ਗਿ੍ਰਫ਼ਤਾਰੀ ਦਾ ਐਲਾਨ ਕੀਤਾ। ਹਿਊਸਟਨ ਪੁਲਿਸ ਮੁਖੀ ਨੋਏ ਡਿਆਜ਼ ( 4੍ਰ) ਨੇ ਦੱਸਿਆ ਕਿ ਗਿ੍ਰਫ਼ਤਾਰੀ ਦੇ ਸਮੇਂ ਸ਼ੱਕੀ ਕੋਲ ਇੱਕ ਹਥਿਆਰ ਸੀ, ਪਰ ਇਹ ਸਪੱਸ਼ਟ ਨਹੀਂ ਹੈ ਕਿ ਕੀ ਇਹ ਉਹੀ ਹਥਿਆਰ ਹੈ ਜੋ ਘਾਤਕ ਗੋਲੀਬਾਰੀ ਵਿੱਚ ਵਰਤਿਆ ਗਿਆ ਸੀ। ਸ਼ੱਕੀ ਦੀ ਪਛਾਣ ਅਜੇ ਜਨਤਕ ਨਹੀਂ ਕੀਤੀ ਗਈ ਹੈ। ਅਧਿਕਾਰੀਆਂ ਨੇ ਇਹ ਜ਼ਰੂਰ ਦੱਸਿਆ ਕਿ ਉਹ ਹਿਊਸਟਨ 94 ਦੇ ਕਿਸੇ ਵੀ ਸਕੂਲ ਦਾ ਵਿਦਿਆਰਥੀ ਨਹੀਂ ਹੈ। ਪੁਲਿਸ ਗੋਲੀਬਾਰੀ ਦੇ ਕਾਰਨਾਂ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਵੀ ਕਰ ਰਹੀ ਹੈ।