Your Advertisement
ਟਰੰਪ-ਬਾਇਡਨ ਵਿਚਾਲੇ ਪਹਿਲੀ ਜਨਤਕ ਬਹਿਸ ਭਲਕੇ

ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਤੇ ਰਾਸ਼ਟਰਪਤੀ ਅਹੁਦੇ ਲਈ ਡੈਮੋਕਰੈਟਿਕ ਪਾਰਟੀ ਦੇ ਉਮੀਦਵਾਰ ਜੋਅ ਬਾਇਡਨ ਮੰਗਲਵਾਰ ਨੂੰ ਹੋਣ ਵਾਲੀ ਆਪਣੀ ਪਹਿਲੀ ਚੋਣ ਬਹਿਸ ਦੌਰਾਨ ਨਾ ਤਾਂ ਹੱਥ ਮਿਲਾਉਣਗੇ ਤੇ ਨਾ ਹੀ ਦੋਵਾਂ ਦੀਆਂ ਕੂਹਣੀਆਂ ਇਕ-ਦੂਜੇ ਨਾਲ ਖ਼ਹਿਣਗੀਆਂ। ਅਜਿਹਾ ਕੋਵਿਡ-19 ਦੇ ਮੱਦੇਨਜ਼ਰ ਇਹਤਿਆਤ ਵਜੋਂ ਕੀਤਾ ਜਾ ਰਿਹਾ ਹੈ। 90 ਮਿੰਟ ਲੰਮੀ ਬਹਿਸ ਕਲੀਵਲੈਂਡ ਕਲੀਨਿਕ ਦੇ ਕੈਂਪਸ ਤੇ ਕੇਸ ਵੈਸਟਰਨ ਰਿਜ਼ਰਵ ਯੂਨੀਵਰਸਿਟੀ, ਆਇਓਵਾ ਵਿਚ ਹੋਵੇਗੀ। ਸੂਤਰਾਂ ਮੁਤਾਬਕ ਟਰੰਪ, ਬਾਇਡਨ ਤੇ ਬਹਿਸ ਦਾ ਸੰਚਾਲਨ ਕਰਨ ਵਾਲੇ ‘ਫੌਕਸ ਨਿਊਜ਼’ ਦੇ ਮੇਜ਼ਬਾਨ ਕ੍ਰਿਸ ਵੈਲੇਸ ਮਾਸਕ ਨਹੀਂ ਪਾਉਣਗੇ। ਇਸ ਮੌਕੇ 75-80 ਲੋਕ ਹੀ ਹਾਜ਼ਰ ਹੋਣਗੇ ਤੇ ਪਹਿਲਾਂ ਕਰੋਨਾਵਾਇਰਸ ਦਾ ਟੈਸਟ ਕੀਤਾ ਜਾਵੇਗਾ। ਟਰੰਪ ਸੱਜੇ ਖੜਨਗੇ ਤੇ ਪਹਿਲਾ ਸਵਾਲ ਉਨ੍ਹਾਂ ਨੂੰ ਕੀਤਾ ਜਾਵੇਗਾ। ਸਾਬਕਾ ਉਪ ਰਾਸ਼ਟਰਪਤੀ ਬਾਇਡਨ  ਖੱਬੇ ਖੜਨਗੇ।

ਮਹਿਲਾ ਜੱਜ ਦੀ ਨਾਮਜ਼ਦਗੀ ਨੂੰ ‘ਸਿਆਸੀ ਮੌਕੇ’ ਵਜੋਂ ਵਰਤਣਗੇ ਰਿਪਬਲਿਕਨ

ਰਾਸ਼ਟਰਪਤੀ ਡੋਨਲਡ ਟਰੰਪ ਵੱਲੋਂ ਅਮਰੀਕੀ ਸੁਪਰੀਮ ਕੋਰਟ ਦੇ ਜੱਜ ਦੇ ਅਹੁਦੇ ਲਈ ਨਾਮਜ਼ਦ ਕੀਤੀ ਗਈ ਐਮੀ ਕੋਨੀ ਬੈਰੇਟ ਦੀ ਥਾਂ ਪੱਕੀ ਕਰਨ ਲਈ ਰਿਪਬਲਿਕਨ ਪਾਰਟੀ ਡਿਜੀਟਲ ਇਸ਼ਤਿਹਾਰਬਾਜ਼ੀ ਮੁਹਿੰਮ ਚਲਾਏਗੀ। ਪਾਰਟੀ ਦੀ ਕੇਂਦਰੀ ਕਮੇਟੀ ਬੈਰੇਟ ਦੀ ਨਾਮਜ਼ਦਗੀ ਨੂੰ ਕੰਜ਼ਰਵੇਟਿਵ ਕੈਥੋਲਿਕਾਂ ਤੇ ਹੋਰ ਵਰਗਾਂ ਦੇ ਵੋਟਰਾਂ ਨੂੰ ਖਿੱਚਣ ਲਈ ਵੀ ਵਰਤ ਸਕਦੀ ਹੈ। ਇਸ ਲਈ ਇਕ ਵੈੱਬਸਾਈਟ ਬਣਾਈ ਗਈ ਹੈ ਤੇ ਸਮਰਥਕਾਂ ਨੂੰ ਆਪਣੇ ਇਲਾਕੇ ਦੇ ਕਾਨੂੰਨਸਾਜ਼ਾਂ ਨਾਲ ਮਿਲਣ ਅਤੇ ਬੈਰੇਟ ਦੀ ਨਿਯੁਕਤੀ ਪੱਕੀ ਕਰਨ ਲਈ ਬੇਨਤੀ ਕਰਨ ਲਈ ਕਿਹਾ ਗਿਆ ਹੈ।

No Comment posted
Name*
Email(Will not be published)*
Website